Zelenski Rusiya və Çinə bağlı 70 şirkətə sanksiya tətbiq etdi

Ukrayna prezidenti Volodimir Zelenski Rusiya, Çin və Britaniya Vircin adalarında qeydiyyatdan keçmiş ümumilikdə 70 hüquqi şəxsə, həmçinin Rusiyadan olan beş fiziki şəxsə qarşı sanksiyaların tətbiqi barədə fərman imzalayıb.

Teleqraf xəbər verir ki, fərmanın mətni Zelenskinin ofisinin rəsmi saytında dərc olunub.

Sənədə əsasən, sanksiya siyahısına Rusiyada qeydiyyatdan keçmiş 60, Çində doqquz və Britaniya Vircin adalarında bir şirkət daxil edilib. Rusiya müəssisələri arasında "Mars", "Palyot", "Yarımkeçirici cihazlar zavodu", "Giperkom" XKB, həmçinin yarımkeçirici maşınqayırma və kosmik materiallar üzrə elmi-tədqiqat institutları var.

Çin şirkətləri sırasında isə "Russwill Telecom Limited", "Hong Kong Skyrizon Holding Limited" və "Moji-Nano Technology Co" yer alıb.

Sanksiyalar Ukrayna ərazisində aktivlərin dondurulmasını, lisenziyaların ləğvini, ticarət əməliyyatlarının və mədəni mübadilələrin dayandırılmasını, həmçinin Ukrayna dövlət mükafatlarından məhrum edilməni nəzərdə tutur