Kamboca Müdafiə Nazirliyi Taylandın “250 dron sərhədi pozub” iddialarını rədd edib- ÖZƏL

Kambocanın Milli Müdafiə Nazirliyi Taylandın ölkə sərhədini Kamboca tərəfindən havaya qalxan 250-dən artıq pilotsuz uçuş aparatının (PUA) pozduğu barədə iddialarını qətiyyətlə təkzib edib. Olaylar.az xəbər verir ki, bu barədə Khmer Times qəzeti məlumat yayıb.
Nazirliyin mətbuat katibi, general-leytenant Mali Soçheat bildirib ki, 29 dekabr 2025-ci il tarixində Tayland tərəfindən səsləndirilən açıqlama reallığı əks etdirmir.
"Milli Müdafiə Nazirliyi Taylandın 250-dən çox dronun guya Kambocadan havaya qalxaraq Taylandın suveren hava məkanına daxil olması ilə bağlı bəyanatını qətiyyətlə rədd edir," - Soçheat deyib.
Onun sözlərinə görə, Kamboca hökuməti və silahlı qüvvələri bu iddiaları tamamilə əsassız hesab edir və sərhəddə sülhün qorunmasına yönəlmiş ikitərəfli razılaşmalara sadiq qalır.
"Kamboca Krallığının hökuməti və Silahlı Qüvvələr 27 dekabr 2025-ci ildə keçirilən Kamboca-Tayland Baş Sərhəd Komitəsinin üçüncü xüsusi iclasının birgə bəyanatının davamlı icrasına səmimi sadiqliyini bir daha təsdiqləyir," - Mali Soçheat əlavə edib.