Bu il nələr vəd etmişdi - Nə qədərini etdi... - DETALLAR

ABŞ Prezidenti Donald Tramp ikinci müddətinin ilk ilində verdiyi vədlərin bir hissəsini yerinə yetirsə də, bəzi əsas sahələrdə geridə qalıb.

Olaylar.az detalları təqdim edir:

İmmiqrasiya və sərt siyasət: Trampın ən çox diqqət çəkən vədi qanunsuz immiqrasiyaya qarşı mübarizə idi. ABŞ-Meksika sərhədində keçidləri azaltdı, deportasiyalar həyata keçirdi, lakin milyonlarla insanın deportasiyası vədini tam yerinə yetirə bilmədi.

Federal qurumlarda təmizləmələr: "Dərin dövlət"i aradan qaldıracağını iddia edən Tramp bir çox federal agentlikdə kadr dəyişiklikləri apardı, yüksək vəzifəli məmurları işdən çıxardı və bəzi agentliklərin fəaliyyətini azaltdı.

Yaşayış xərcləri və ticarət: Tramp ölkədə artan xərcləri azaltmaq və istehsalı canlandırmaq vədini vermişdi. Amma tətbiq etdiyi tariflər qlobal ticarəti sarsıtdı və inflyasiya yüksək qalmağa davam etdi.

Narkotik kartelləri: Tramp kartelləri "terror təşkilatı" elan etdi və hərbi əməliyyatlar keçirdi, lakin bu təşəbbüs hüquqi və beynəlxalq müzakirələr doğurdu.

Müharibələrə son qoymaq: Dünyada müharibələrə son qoymaq vədi tam yerinə yetirilmədi. Qəzza zolağında qısa atəşkəs təmin edilə bilsə də, Ukrayna və İran məsələlərində uğur qazanmamaqla vədindən uzaq qaldı.

Ümumilikdə Tramp ilk ilində vədlərinin bir qismini konkret addımlarla həyata keçirsə də, yaşayış xərcləri, tam deportasiya və müharibələrə son qoymaq kimi vacib vədlər hələ də qismən qalır. (Musavat.com)