Tehran və Ankara parlamentlərarası əməkdaşlığı gücləndirir – ÖZƏL

Olaylar.az xəbər verir ki, İranın Türkiyədəki səfiri Məhəmməd Həsən Həbibullahzadə Türkiyə Böyük Millət Məclisinin üzvü, İslam Əməkdaşlıq Təşkilatı Parlament İttifaqındakı (İSİPAB) Türkiyə qrupunun rəhbəri Abdurrahim Dusak ilə görüşüb.

Görüşdə Tehran və Ankara arasındakı strateji tərəfdaşlığın önəmi, həmçinin regional problemlərin həllində İslam ölkələrinin birliyinin zəruriliyi vurğulanıb. Tərəflər ikitərəfli münasibətlərin hazırkı səviyyəsindən məmnunluqlarını ifadə edərək, parlament nümayəndə heyətlərinin qarşılıqlı səfərlərinin və dostluq qruplarının fəaliyyətinin genişləndirilməsinin vacibliyini qeyd ediblər.

Müzakirələr zamanı İSİPAB çərçivəsində əməkdaşlığın beynəlxalq arenada İslam dünyasının maraqlarını qorumaq üçün mühüm potensial olduğu xüsusi diqqətə çatdırılıb.