Bu ölkənin prezidenti qorxudan fərqli evlərdə gecələyir – silahdaşları qaçmağa hazırlaşır

Globalinfo.az ABŞ-ın paytaxtı Vaşinqtonda baş verən silahlı insidentlə bağlı amerikalı politoloq, Mərkəzi Asiya Məhsuldarlığı Araşdırma Mərkəzi (CAPRC) Müşahidə Şurasının üzvü Piter M. Teysdən müsahibə alıb. Həmin müsahibəni təqdim edirik:

- Cənab Teys, Ağ Ev yaxınlığında baş verən silahlı insident terror hücumu idimi? Bu hadisənin Prezident Donald Trampın Ukrayna ilə bağlı sülh planı və ya ABŞ-Venesuela gərginliyi ilə əlaqəsi varmı?

- Noyabrın 26-da Vaşinqtonda, Ağ Evdən iki məhəllədən az olan məsafədə iki Milli Qvardiya əsgəri güllələnərək ağır yaralanıb. Şəhər meri hadisəni "hədəfli atışma" adlandırıb. Şübhəli şəxs çərşənbə günü günorta Qərbi Virciniyadan olan iki Milli Qvardiya üzvünə atəş açdıqdan sonra atəş səslərini eşidən yaxınlıqdakı digər Milli Qvardiya üzvləri tərəfindən zərərsizləşdirilib. Həmin vaxt Floridada olan ABŞ prezidenti Donald Tramp şübhəli qismində saxlanılan silahlı şəxsin 2021-ci ilin sentyabrında ABŞ-a gələn Əfqanıstan vətəndaşı olduğunu bildirib. Tramp administrasiyası ABŞ torpağına qanunsuz daxil olan bu terrorçunun "şər əməli, nifrət və terror aktı" törətdiyinə görə mümkün olan ən ağır bədəli ödəyəcəyini təmin edəcək. Bu, terror hücumudur və Tramp-Vens administrasiyası sərhəd təhlükəsizliyini gücləndirməyə və ABŞ-ın metropoliten küçələrində cinayətkarlığın səviyyəsini azaldacaq immiqrasiya qanunlarını tətbiq etməyə davam edəcək.
Prezident Trampın Ukrayna sülh sazişi ilə bağlı əsas prinsipləri əvvəlki kimi dəyişməzdir və bir neçə ay ərzində Ukrayna hökuməti ABŞ-ın vasitəçiliyi ilə RusiyaFederasiyası ilə davamlı sülh sazişi əldə edəcək. Ağ Evin Rusiyanın geosiyasi təsirini idarə etmək barədə strategiyasının bir hissəsi Moskvanın müdafiəçisi olan Venesuela rejiminə qarşı uğurlu hərbi müdaxilə - aşağı intensivlikli hərbi əməliyyatlardır.

- Venesuela prezidenti Nikolas Maduro xalqın qarşısında çıxış edərək nümayişkəranə şəkildə ABŞ-ın hücumuna hazır olduğunu bəyan edib. Bəzi analitiklər ABŞ-ın Karib dənizində donanmasını yerləşdirməsini təkcə narkotiklərlə mübarizə deyil, Venesuelanın zəngin təbii sərvətlərinə əl qoymaq planının bir hissəsi olduğunu iddia edir. İddiaya görə, genişmiqyaslı müharibə olmayacaq və ABŞ yalnız Maduro hakimiyyətini devirməyə yönəlmiş hərbi əməliyyatlar keçirəcək. Trampın siyasətində iqtisadi maraqların ön plana çıxdığını görmək olar. ABŞ-ın Latın Amerikası siyasəti nəyə əsaslanır və burada iqtisadi maraqlar hansı yerdə durur?

Piter M. Teys

- Vaşinqtonun Venesuelaya qarşı məhdudiyyətlər qoyması, onu sıxışdırması və Braziliyaya qarşı böyük ticarət tarifləri tətbiq etməsinin əsas səbəbi Trampadministrasiyasının nadir torpaq elementləri üzərində strateji maraqları və Ağ Evin Cənubi Amerikadakı geoiqtisadi maraqları ilə bağlıdır. Braziliyanın Paraqvaya qarşı imperialist siyasəti Trampın, Ağ Evin Braziliyaya qarşı ticarət məhdudiyyətləri tətbiq etmək qərarında əsas yer tutur. Bu yaxınlarda məlum oldu ki, Braziliyanın qanunsuz fəaliyyət göstərən müəssisələri Paraqvaydan qızıl çıxarıb Panamaya, oradan isə BƏƏ-yə göndərir. Braziliya hökuməti ilə əlaqəli şirkətlər Paraqvaydan nadir torpaq elementləri çıxarır və Paraqvayın şirin su ehtiyatlarını çirkləndirir. Bunlar Vaşinqton üçün mühüm və həyati əhəmiyyət kəsb edən məsələlərdən bəziləridir. Həmçinin Venesuela siyasi elitasının, Nikolas Maduronun siyasi müttəfiqlərinə aid sərvətin əsas hissəsi Braziliyada saxlanılır. Onlar ABŞ-ın Karakasa qarşı hərbi əməliyyatları baş verdikdə Braziliyaya qaçış yollarını hazırlayırlar. Hazırda Maduro artıq ofisində çalışmır, hər gecəni fərqli evlərdə keçirir və onun bütün dostları ümidsiz halda qaçış yollarını axtarırlar, buna görə də Braziliya onlar üçün gələcəkdə təhlükəsiz ev olacaq.