Rusiya Sibir suyunu Mərkəzi Asiyaya nəql etmək üçün magistral kəmər layihəsini nəzərdən keçirir – ÖZƏL

Olaylar.az xəbər verir ki, ArbatMedia-nın məlumatına görə, Rusiya Ob çayından başlayaraq Sibir suyunun Qazaxıstan üzərindən Özbəkistana nəqlini nəzərdə tutan magistral su kəməri layihəsini dəyərləndirir. Energy Monitor Telegram kanalının bildirdiyinə əsasən, layihə bağlanmış boru kəməri sistemi yaradılmasını nəzərdə tutur və bu sistem vasitəsilə Sibir suyunun Mərkəzi Asiya ölkələrinə çatdırılması planlaşdırılır.

Məlumata görə, həm Qazaxıstan, həm də Özbəkistan ciddi içməli su qıtlığı yaşayan və dünyanın ən çox su çatışmazlığı ilə üzləşən ölkələri arasında yer alır.

Layihə həyata keçiriləcəyi təqdirdə, Rusiya suyu neft və qaz ixracı modelinə bənzər şəkildə xaricə satmaq imkanı əldə edəcək. Bu isə hazırda ciddi büdcə təzyiqi ilə üzləşən federal büdcənin gəlirlərini artırmaq üçün mümkün həll variantlarından biri kimi qiymətləndirilir.