Tramp Bayden dövrünün sənədlərini silir: “Avtoimza ilə imzalanan hər şey ləğv edilir”

ABŞ-ın hazırkı prezidenti Donald Tramp bəyan edib ki, keçmiş prezident Co Baydenin avtoimza vasitəsilə təsdiqlədiyi bütün sənədlər hüquqi qüvvədən düşür.

Musavat.com xəbər verir ki, Tramp "Truth Social" hesabında yazıb ki, Bayden prezidentliyi dövründə sənədlərin təxminən 92%-ni avtoimza ilə rəsmiləşdirib və bu üsul ABŞ prezidentinin xüsusi icazəsi olmadan tətbiq oluna bilməz.

"Co Bayden tərəfindən şəxsən imzalanmamış bütün prezident sərəncamlarını və digər sənədləri ləğv edirəm. Avtoimzanı idarə edən şəxslər bunu qanunsuz şəkildə ediblər",- Tramp bildirib. (Musavat.com)