Siyarto: Rusiya və Macarıstan "Pakş-2" AES layihəsi üzrə razılığa gəliblər - ÖZƏL

Macarıstanın xarici işlər və xarici iqtisadi əlaqələr naziri Peter Siyarto bildirib ki, Rusiya və Macarıstan "Pakş-2" atom elektrik stansiyasının tikintisinin sürətləndirilməsi barədə razılığa gəliblər.

Olaylar xəbər verir ki, Siyarto qeyd edib:

"Pakş AES-in tikintisi xeyli sürətlənəcək."

Nazirin sözlərinə görə, hazırlıq işləri plan üzrə davam edir və "ilk beton" 5 fevralda töküləcək.

Əvvəlcə Macarıstanın Baş naziri Viktor Orban ABŞ-ın keçmiş Prezidenti Co Bayden administrasiyasının "Pakş-2" layihəsinə qarşı tətbiq etdiyi sanksiyaların tamamilə ləğv edildiyini açıqlamışdı.

"Rosatom" isə bildirib ki, "Pakş-2" layihəsi üçün Macarıstanda AES-in tikintisinə başlama lisenziyası verilib.

İbrahim Məmmədli