Makron Trampın sülh planını qiymətləndirdi: "Doğru istiqamətdədir, amma təkmilləşməlidir" – ÖZƏL

Olaylar.az xəbər verir ki, Fransa Prezidenti Emmanuel Makron çərşənbə axşamı RTL radiosuna verdiyi müsahibədə ABŞ Prezidenti Donald Trampın sülh planının "doğru istiqamətdə" irəlilədiyini, lakin Ukrayna və Avropa üçün məqbul olması üçün bəzi aspektlərinin təkmilləşdirilməyə ehtiyacı olduğunu bildirib.

Makron qeyd edib ki, Fransa sülh istəyir, lakin "kapitulyasiya (təslimiyyət) olacaq bir sülh" istəmir. O, yalnız ukraynalıların hansı ərazi güzəştlərinə getməyə hazır olduqlarına qərar verə biləcəyini vurğulayıb.

Makron deyib ki, müzakirəyə çıxarılan təklif "ruslar üçün nəyin məqbul olacağı barədə təsəvvür yaradır, lakin bu, ukraynalıların və avropalıların razılaşmalı olduğu demək deyil".

Fransa Prezidentinin sözlərinə görə, Rusiya ilə sülh bağlansa belə, Ukraynanın ilk müdafiə xətti öz ordusunun bərpası olacaq və buna heç bir məhdudiyyət qoyulmamalıdır.

O, dondurulmuş Rusiya aktivlərinin Avropada olduğunu və onların taleyi ilə bağlı qərarı yalnız Avropanın verə biləcəyini əlavə edib.
Makron hazırda Vaşinqtona səfər edərək daha yaxşı bir razılaşmaya kömək etmək planının olmadığını bildirib.