Merts: “Növbəti addımı Rusiya atmalıdır” - ÖZƏL

Almaniya kansleri Fridrix Merts bildirib ki, sülh planı çərçivəsində növbəti addım Moskva tərəfindən atılmalıdır.

"Rusiya danışıqlar masasına əyləşməlidir. Əgər bu mümkün olarsa, o zaman bütün səylər özünü doğrultmuş sayılacaq", - deyə Olaylar kanslerin sözlərini sitat gətirir.

Bundan əvvəl Polşanın baş naziri Donald Tusk Luandada Ukrayna ilə bağlı keçirilən qeyri-rəsmi Avropa İttifaqı sammitindən sonra bəyan etmişdi ki, Aİ liderləri ABŞ-ın Ukrayna münaqişəsinin həlli ilə bağlı planının bir sıra bəndlərini qəbuledilməz hesab edirlər.