Pentaqon jurnalistlərə təsdiq tələb etmədən məqalə dərc etməyə icazə verdi - ÖZƏL

ABŞ Pentaqonu jurnalistlərə materiallarını əvvəlcədən təsdiqlətmədən yayımlamağa imkan verəcək yeni qaydalar tətbiq edib. Olaylar.az xəbər verir ki, bu barədə The New York Times xəbər verir. Məlumata görə, Pentaqon "iki həftədən uzun danışıqlardan sonra" qaydaları yumşaldıb və dəqiqləşdirib. Yeni qaydalara əsasən, hərbi nazirlikdə akkreditə olunmuş jurnalistlərə "rəsmi şəkildə dərc edilməmiş məlumatları ehtiva edən məqalələri yerləşdirmək üçün nazirliyin icazəsi tələb olunmayacaq", əgər material onların öz araşdırmaları əsasında hazırlanıb.
Lakin layihədə həmçinin qeyd olunub ki, müəyyən hallarda jurnalistlər "təhlükə mənbəyi" hesab edilərək akkreditasiyadan məhrum edilə bilərlər. Bu, yalnız jurnalistlərin dövlət vəzifəlilərini gizli məlumatları yaymağa sövq etməsi nəticəsində əldə etdikləri məlumatlar üçün nəzərdə tutulur. Mətbuat orqanlarına qaydaları öyrənmək və qəbul etmək üçün bir həftə vaxt verilib. Qaydalarla razılaşmayan jurnalistlər akkreditasiya ala bilməyəcəklər. Xatırladaq ki, əvvəlki qaydalara əsasən, Pentaqon binasında jurnalistlərin hərəkəti ciddi şəkildə məhdudlaşdırılmış, yalnız xüsusi brifinq zonasında olmalarına icazə verilmişdi. Müdafiə naziri Pit Hegsetin sözlərinə görə, jurnalistlər artıq binada sərbəst hərəkət edə bilməz, yalnız şəxsiyyət vəsiqəsi və ya müşayiət altında ola bilərlər.