“İranda hazırda MAQATE-nin yoxlamaları aparılmır” – ÖZƏL

Olaylar.az xəbər verir ki, İran Xarici İşlər Nazirliyinin sözçüsü İsmayıl Bəqai bildirib ki, hazırda Beynəlxalq Atom Enerjisi Agentliyi (MAQATE) ölkədə heç bir yoxlama aparmır. Onun sözlərinə görə, təxminən on gün əvvəl yalnız Buşehr Atom Elektrik Stansiyasında yoxlama həyata keçirilib.

XİN rəhbəri Abbas Əraqçi isə qeyd edib ki, sentyabrda imzalanmış Qahirə razılaşması artıq qüvvədə sayılmır. "Evr3-lük" (Fransa, Böyük Britaniya və Almaniya) tərəfindən beynəlxalq sanksiyaların bərpasından sonra Tehran bu məsələ ilə bağlı yeni qərarlar qəbul etməyi planlaşdırır.

Qeyd edək ki, sentyabrın sonunda 2015-ci il nüvə sazişi ilə ləğv edilən BMT Təhlükəsizlik Şurasının sanksiyaları Avropa ölkələrinin təşəbbüsü ilə yenidən bərpa olunub. Rusiya və İran bu addımı qanunsuz hesab ediblər.