Kamçatkadakı itkin düşmüş turistlər əlaqə saxlayıb - ÖZƏL

Kamçatkadakı altı turist, oktyabrın 3-də şəxsi avtomobilləri ilə meşəyə yola düşüb və planlaşdırılan vaxtda geri qayıtmayan, əlaqə saxlayıblar. Olaylar.az xəbər verir ki, bu barədə Life.ru regional Fövqəladə Hallar Nazirliyinə istinadla məlumat yayıb. Nazirliyin məlumatına görə, turistlərin həyatı və sağlamlığı üçün heç bir təhlükə yoxdur. Hazırda səyahətçilər "Severnie Koryaki" kəndinə yaxınlaşırlar. Əvvəlcə turistlər oktyabrın 5-də geri qayıtmağı planlaşdırmışdılar, lakin müəyyən olunmuş vaxtda əlaqə saxlamayıblar. Fövqəladə Hallar Nazirliyinin xilasediciləri "Akvarium" adlanan əraziyə yollansa da, səyahətçilər özləri əlaqə qurublar. Məlum olub ki, meşədə gecikmə əvvəlcədən planlaşdırılıb. Bütün iştirakçılar özlərini yaxşı hiss edir və onların həyatı və sağlamlığı üçün heç bir təhlükə yoxdur.
Qeyd edək ki, daha əvvəl Kamçatkadakı Vilyuçinski vulkanına dırmaşan 3 turist yüksəkliyə qalxarkən yıxılıb. Onlardan biri xilasedicilərlə əlaqə saxlayaraq yardım istəyib. Xilasedicilər tezliklə turistləri tapıb, lakin biri dırmaşma zamanı, digəri isə eniş zamanı aldığı xəsarətlər nəticəsində ölüb. Üçüncünün vəziyyəti orta ağır kimi qiymətləndirilib və o, xilasedicilər tərəfindən dağın ətəyinə endirilərək Fövqəladə Hallar Nazirliyinin tibbi briqadasına təhvil verilib.