HƏMAS Trampın Qəzza planını dərhal rədd etməyəcək - ÖZƏL

Olaylar.az xəbər verir ki,  Birləşmiş Ərəb Əmirliklərinin nəşri The National-a istinadən bildirir ki, Fələstin hərəkatı HƏMAS ABŞ Prezidenti Donald Trampın Qəzza üzrə planını dərhal rədd etməyəcək, lakin rəsmi bəyanatdan əvvəl vaxt qazanmağa çalışacaq. Mənbələr hərəkatın bəzi müddəalardan narazı olduğunu vurğulayıblar. HƏMAS planın silahların təhvil verilməsi, silah istehsalı mərkəzlərindən və yeraltı tunellərin istifadəsindən imtina edilməsinə dair tələblərini qəbul etməmək niyyətindədir. Hərəkat bunun əvəzinə silahlarını ərəb ölkələrindən olan müşahidəçilərin saxlamasına təhvil vermək istəyir. Mənbələrin bildirdiyinə görə, HƏMAS İsrailə Qəzza daxilində təhlükəsiz sərhəd zonasını saxlamağa icazə verə bilər, lakin qalan ərazilərdə İsrailin hər hansı təhlükəsizlik rolunu davam etdirməsinə qarşıdır və İsrail qoşunlarının tam çıxarılmasını tələb edir. Hərəkat həmçinin planın müəyyən müddət məhdudiyyətlərindən narazıdır. Məsələn, Trampın planında nəzərdə tutulduğu kimi 72 saat ərzində 48 girovun tam buraxılmasını HƏMAS dəstəkləmir və onların mərhələli şəkildə azad edilməsini istəyir. Mənbələr qeyd ediblər ki, hərəkat rəhbərliyi girovun saxlayıcıları ilə birbaşa əlaqədə deyil - bu, İsrailin intensiv əməliyyatları ilə əlaqələndirilir. Ağ Ev planı tam atəşkəsin elan olunması, HƏMAS tərəfindən saxlanılan girovların 72 saat ərzində azad edilməsi və Qəzza sektorunun keçid dövründə xarici idarəetməyə verilməsini nəzərdə tutur. Sənəddə həmçinin Qəzza sakinlərinə ərazidən çıxmaq və ya geri qayıtmaq imkanı yaradılması təklif edilir.
İsrail Baş naziri Binyamin Netanyahunu planı dəstəklədiyini bildirib, lakin HƏMAS planı rədd edərsə və ya pozmağa çalışarsa, İsrailin müstəqil hərəkət etmək imkanını saxladığını vurğulayıb.