İran: Rusiya əsas tərəfdaşdır, münasibətlərin dərinləşdirilməsi prioritetdir – ÖZƏL

İranın Birinci Vitse-prezidenti Məhəmməd Rza Arif bəyan edib ki, Rusiya qonşu və strateji tərəfdaş olaraq ölkənin xarici siyasətində mühüm yer tutur.

Olaylar.az xəbər verir ki, İran-Rusiya münasibətlərinin inkişafı üzrə koordinasiya mexanizminin iclasında çıxış edən Arif, iki ölkənin ortaq maraqlarının və mövcud geniş əməkdaşlıq potensialının əlaqələrin möhkəmləndirilməsi üçün möhkəm zəmin yaratdığını vurğulayıb.

Onun sözlərinə görə, İran və Rusiya Rusiyanın baş naziri ilə son görüşdə ticarət həcmini artırmaq əzmində olduqlarını təsdiqləyiblər.

Arif, həmçinin, qonşu ölkələrlə, xüsusilə də Avrasiya İqtisadi İttifaqına (Aİİ) üzv dövlətlərlə əlaqələrin dərinləşdirilməsinə böyük əhəmiyyət verdiklərini bildirib. "14-cü hökumətimizin yanaşması bu ölkələrlə tarixi və sivilizasiya əlaqələrini hərtərəfli şəkildə möhkəmləndirməkdir," - deyə vitse-prezident qeyd edib.

O, İran və Rusiya arasında Əməkdaşlıq Komissiyasının fəaliyyətinin artırılmasına ehtiyac olduğunu, habelə beynəlxalq platformalarda iki ölkə rəsmiləri tərəfindən məsləhətləşmələrin davam etdirilməsinin vacibliyini qeyd edib. Bundan əlavə, özəl sektor və ticarət palatalarının əməkdaşlığı vasitəsilə əlaqələrin genişləndirilməsi xarici siyasətin əsas prioritetlərindən biridir.