Qazaxıstan Trampın Qəzza üzrə sülh planını dəstəkləyir - ÖZƏL

Qazaxıstan ABŞ prezidenti Donald Trampın Qəzza sektorundakı konfliktin dayandırılmasına dair təqdim etdiyi sülh planını dəstəkləyib. Olaylar.az xəbər verir ki, prezidentin köməkçisi və mətbuat katibi Ruslan Jelidibay qeyd edib ki, bu təşəbbüs Yaxın Şərqdə vəziyyəti tənzimləmək üçün nadir bir imkan kimi qiymətləndirilir. Jelidibay bildirib: "Qazaxıstan ABŞ prezidenti Donald Trampın konfliktin dayandırılmasına dair hərtərəfli sülh planını alqışlayır. Prezident Kasım-Jomart Tokayev bu təşəbbüsü Yaxın Şərqdə vəziyyətin tənzimlənməsi, dövlətlərarası etimadın möhkəmləndirilməsi və regionda ədalətli, davamlı sülhün qurulması üçün vacib addım hesab edir."
Belə ki, Ağ Ev planı açıqlayıb ki, sənəd üzrə döyüş əməliyyatları tam dayandırılmalı, HƏMAS tərəfindən saxlanılan girovlar 72 saat ərzində azad edilməlidir. Həmçinin, Qəzza sektoru müvəqqəti xarici idarəçiliyə verilməli, sakinlərə isə bölgəni tərk etmək və ya geri qayıtmaq imkanı təqdim olunmalıdır.
Tokayev əvvəlcə də Qəzza sektorundakı konfliktin dayandırılmasının vacibliyini vurğulamış və vəziyyətin yaxınlaşmaqda olan fəlakətə gətirib çıxardığını bildirmişdi. 9 sentyabrda isə Qazaxıstan lideri İsrailin Dohada HƏMAS rəhbərliyinə qarşı həyata keçirdiyi hərbi əməliyyatı qınamışdı.