Lukaşenko: Polşanın sərhəd bağlaması Çinlə münasibətlərə qarşı siyasi addımdır - ÖZƏL

Belarus Prezidenti Aleksandr Lukaşenko Polşanın Belarus sərhədini bağlamasını Çin Xalq Respublikasına qarşı dost olmayan siyasi addım adlandırıb. Olaylar.az xəbər verir ki, bu barədə BelTA agentliyi məlumat yayıb.
Lukaşenko Çin Kommunist Partiyası Mərkəzi Komitəsinin Siyasi Bürosunun Daimi Komitəsinin üzvü və Mərkəzi Disiplin Nəzarət Komissiyasının katibi Li Si ilə görüşündə bildirib ki, sərhədin bağlanması iqtisadi deyil, daha çox siyasi və imic məqsədli addımdır. "Çin kimi bir imperiya bu problemi asanlıqla həll edə bilər. Amma mövzu aktualdır", - deyə prezident əlavə edib. O həmçinin Çin tərəfinə mövzu ilə bağlı məlumatları paylaşmağa hazır olduğunu bildirib və Polşanı digər dövlətlərin maraqları üçün "at kimi" oynamaqda günahlandırıb. Belarus ərazisindən Avropaya Çin məhsullarının tranzitinin böyük hissəsi həyata keçirilir.
Qeyd edək ki, 9 sentyabr tarixində Polşa Baş naziri Donald Tusk Belarus-Rusiya "Qərb-2025" təlimlərinin başlanması ilə əlaqədar 11-12 sentyabr gecəsi sərhədi bağlayacağını açıqlayıb. Bu tədbir həm insanların, həm də yük avtomobilləri və dəmiryolu daşımalarını əhatə edir və əlavə bildirişə qədər qüvvədə olacaq. Belarus Xarici İşlər Nazirliyi bu qərarı əsassız və xalq əleyhinə adlandırıb.