Zelenski: ABŞ Prezidenti Trampın sülh çağırışına Rusiya reaksiya vermir

Ukrayna Prezidenti Volodimir Zelenski ABŞ Prezidenti Trampın sülh çağırışlarına Rusiya tərəfindən reaksiya verilmədiyini bildirib.

Olaylar.az xəbər verir ki, Zelenski sosial şəbəkədə yazıb:

"Biz Prezident Trampın qətllərin dayandırılması mövqeyini eşidirik və diplomatiyanın açılması üçün bütün təklifləri qəbul etmişik. Amma görünür, Rusiyada bu mövqeyə qulaq asan yoxdur".

Prezident həmçinin bildirib ki, bunu Rusiya tərəfindən davam edən pilotsuz uçuş aparatlarının hücumları da təsdiqləyir. Son məlumatlara görə, dünən axşamdan bəri Ukrayna ərazisinə təxminən 90 ədəd hücum dronu atılıb və nəticədə Kiyevdə ictimai nəqliyyat infrastrukturu zədələnib.

Zelenski vurğulayıb ki, Rusiyanın da diplomatiyaya sadiq qalması üçün qətiyyətli addımlar atılmalıdır.

Hadisələr göstərir ki, Ukrayna ərazisində dron hücumları hələ də davam edir və vəziyyət gərgin olaraq qalır.