Sanksiya hesabına milyardlar qazanırıq: KTMT-dən çıxsaq…

Nikol Paşinyana xidmət edən oliqarxlar Rusiyaya tətbiq edilən sanksiyalar hesabına milyardlar qazanır. Bu halda Nikol Paşinyan Ermənistanı KTMT-dən necə çıxara bilər? Axı KTMT-dən çıxmaq Ermənistanı Aİİ-dən də avtomatik olaraq kənarda qoyacaq.

Bu sözləri erməni politoloq Qriqor Balasanyan yerli mediaya müsahibəsində deyib.

"Mən Paşinyanın KTMT-dən çıxacağı fikrindən uzağam. Çünki bu addımın ardınca Aİİ-dən çıxmaq məsələsi dərhal gündəmə gətiriləcək. Aİİ-dən çıxmaq isə Ermənistanın maliyyə axınlarından məhrum olması deməkdir", - o bildirib.

Balasanyanın sözlərinə görə, Rusiyaya sanksiyalar Ermənistana külli miqdarda pul qazandırır:

"Ermənistanın nəhəng oliqarx dairəsi Aİİ-nin idxal-ixrac imkanları, o cümlədən qızılın idxalı və ixracı hesabına nəhəng maliyyə axınları alır. Aİİ-dən çıxmaq Ermənistan üçün böyük bir bazarı itirmək deməkdir. Buraya atom elektrik stansiyası və qaz məsələsi də əlavə olunacaq. Biz bütün bunlarla necə qarşılaşacağıq?"