Zurabişvili Yeni ili küçədə etirazçılarla qarşıladı

Gürcüstanın keçmiş prezidenti Salome Zurabişvili Yeni ili ölkə parlamentinin qarşısında qeyd etmək qərarına gələn minlərlə etirazçıya qoşulub.

Bu barədə TASS məlumat yayıb.

Bildirilib ki, yerli vaxtla saat 22:00-da etirazçılar parlament binasının qarşısına toplaşıb.

Gecə yarısı isə onlara Zurabişvili də qoşulub.

Aksiya dinc şəkildə baş tutub.

Qeyd edək ki, dekabrın 29-da S.Zurabişvilinin səlahiyyət müddəti bitib. Onu bu postda Mixail Kavelaşvili əvəz edib.