ABŞ Rusiya qazından imtinanın Ukrayna üçün xoşagəlməz nəticələrini proqnozlaşdırıb - ÖZƏL

Ukraynanın Rusiya qazının tranzitindən imtina etməsi GTS-ə (qaz nəqli sistemi) hücumlara səbəb olacaq. 

Olaylar.az xəbər verir ki, ABŞ-ın Bloomberg agentliyinin analitikləri bu tədbirin xoşagəlməz nəticələrini proqnozlaşdırıblar.

Jurnalistlər belə qənaətə gəliblər ki, Ukraynanın qaz nəqli sistemi qaz anbarları və elektrik enerjisi mənbələri kimi raket hücumları üçün hədəfə çevrilə bilər. Məqalə müəllifləri hesab edirlər ki, Rusiya qazının tranzitindən imtina ediləcəyi təqdirdə, Ukrayna qaz kəməri sisteminin 38 min kilometrdən çox hissəsini müdafiə etmək məcburiyyətində qalacaq.

Müşahidəçilər qeyd edirlər ki, Rusiya qazı onun vasitəsilə Qərbə keçdiyi üçün Ukraynanın qaz nəqli sisteminə əvvəllər hücum olmayıb. Qaz nəqli sisteminə hücumlar, material müəlliflərinin fikrincə, soyuq mövsümdə ölkədə istilik problemlərinə səbəb ola bilər.