Cənubi Koreyada təyyarə qəzası - 62 nəfər həlak oldu

Cənubi Koreyanın Muan hava limanında baş vermiş təyyarə qəzası nəticəsində ölənlərin sayı 62-yə yüksəlib.

Banqkokdan uçan təyyarənin göyərtəsində 175 sərnişin (173 Koreya Respublikası və 2 Tailand vətəndaşı), həmçinin 6 ekipaj üzvü olub.

İlkin məlumatlara görə, qəza quşlarla toqquşma nəticəsində yaranan eniş qurğusunun nasazlığı səbəbindən baş verib. Ekipaj təyyarəni təhlükəsiz şəkildə yerə endirməyə çalışsa da, təyyarə sürətini azalda bilməyib və uçuş-enmə zolağının sonundakı konstruksiyaya çırpılıb. Nəticədə yanğın baş verib. Qəza yerində xilasetmə işləri davam etdirilir.