Trampın miqrasiya siyasəti: ailələr halında deportasiya planı– ÖZƏL

Olaylar.az xəbər verir ki, ABŞ-nin seçilmiş prezidenti Donald Tramp, yanvar ayında baş tutacaq andiçməsindən sonra qanunsuz miqrasiya ilə mübarizə üçün sərt tədbirlər görməyi planlaşdırır. Onun administrasiyası miqrantları ailə üzvləri ilə birlikdə deportasiya etməyi nəzərdə tutur.

Tramp, ABŞ-da doğulan uşaqların "torpaq hüququ" ilə vətəndaşlıq almasının qarşısını almağı hədəfləyir. Miqrasiya məsələlərinə cavabdeh olacaq Tomas Homan, valideynlərin ölkədən çıxarılarkən uşaqlarını ya özləri ilə aparmağı, ya da ABŞ-da qoymağı seçməli olacaqlarını bildirib.

Hal-hazırda ABŞ-da təxminən 11 milyon qanunsuz miqrant yaşayır. Tramp administrasiyası bu problemin həlli üçün Meksika və Salvador ilə danışıqlar aparır.

Respublikaçılar, qanunsuz miqrasiyanın cinayətkarlığı artırdığını və bu siyasətin uzunmüddətli perspektivdə ölkəyə fayda gətirəcəyini düşünürlər. Bunun üçün 86 milyard dollar ayrılması planlaşdırılır.