Soçi və Rusiyanın digər hava limanlarında uçuş məhdudiyyətləri aradan qaldırılıb - ÖZƏL

Soçi hava limanında və Rusiyanın digər şəhərlərində uçuşların gəlişi və buraxılmasına qoyulan məhdudiyyətlər aradan qaldırılıb. 

Olaylar.az xəbər verir ki, bu barədə Federal Hava Nəqliyyatı Agentliyinin nümayəndəsi Artem Korenyako məlumat verib.

Onun sözlərinə görə, liman Moskva vaxtı ilə saat 9:15-dən normal rejimdə işləyir.

Korenyako təsdiqləyib ki, "Xalça" planı dekabrın 27-də səhər Həştərxan və Volqoqradda da tətbiq edilib. Moskva vaxtı ilə saat 6:40-dan etibarən bu şəhərlərdə uçuş məhdudiyyətləri aradan qaldırılıb.

Eyni zamanda, departamentin mətbuat katibi Samaradakı Kurumoç hava limanının bağlanması ilə bağlı mətbuatda yayılan xəbərləri təkzib edib.