Ukraynaya NATO-ya üzvlük olmadan təhlükəsizlik zəmanəti təklif edilə bilər- ÖZƏL

Olaylar.az xəbər verir ki, Xarici İşlər jurnalının məlumatına görə, Qərb Ukraynaya NATO-nun kollektiv müdafiə prinsipinə bənzər hərbi dəstək və təhlükəsizlik zəmanətləri təklif edə bilər, lakin bu, Kiyevin alyansa qoşulmasını nəzərdə tutmur.

Jurnalda vurğulanır ki, Kiyev NATO-ya üzv olmaqla təhlükəsizlik zəmanətləri almağa çalışır. Lakin nə ABŞ-nin hazırkı prezidenti Co Bayden administrasiyası, nə də gələcəkdə Donald Trampın rəhbərliyi bu imkanı nə müharibə zamanı, nə də onun bitməsindən dərhal sonra nəzərdən keçirmək niyyətindədir.

Məqalə müəlliflərinə görə, Tramp administrasiyası Moskvanın mövqeyini nəzərə almağa məcbur olacaq, çünki Rusiya uzun müddətdir Ukraynanın NATO-ya daxil olmasına qarşı çıxır. Hətta Vaşinqton Kiyevin alyansa qəbulunu "real seçim" kimi qiymətləndirsə də, bu proses NATO-ya üzv ölkələrin hamısının uzunmüddətli təsdiqini tələb edəcək və münaqişənin həlli üçün "uyğunsuz siyasi alət" hesab oluna bilər.

Bundan əvvəl ABŞ Dövlət Departamentinin keçmiş əməkdaşı Samuel Çarap bildirib ki, nə Bayden, nə də Tramp administrasiyası Kiyevi NATO-ya dəvət etmək niyyətində deyil.

Serbiya Respublikasının Prezidenti Milorad Dodik isə bəyan edib ki, NATO Ukraynanı Rusiya ilə qarşıdurma üçün poliqon kimi seçib.