Peskov: Rusiya əməliyyatları dayandırmayacaq– ÖZƏL

Olaylar.az xəbər verir ki, Rusiya Prezidentinin mətbuat katibi Dmitri Peskov bildirib ki, Ukraynada xüsusi hərbi əməliyyatlar ölkənin təhlükəsizliyini təmin etmək üçün davam edir. O, bu açıqlamanı Macarıstanın Baş naziri Viktor Orbanın Ukraynadakı münaqişənin 2025-ci ildə bitəcəyi ilə bağlı sözlərinə münasibət bildirərkən verib.

Orban qeyd edib ki, münaqişənin iki sonu ola bilər: ya sülh sazişi ilə, ya da tərəflərdən birinin tam məğlubiyyəti ilə.

Peskov vurğulayıb: "Biz xüsusi hərbi əməliyyatları davam etdiririk. Ölkəmizin təhlükəsizliyini təmin etmək üçün bütün vəzifələrin yerinə yetirilməsi bizim üçün önəmlidir."

Daha əvvəl Kremlin nümayəndəsi bəyan etmişdi ki, Kiyev Moskva ilə sülh danışıqlarına hazır olduğunu göstərmir. Həmçinin, Rusiya münaqişənin dondurulmasını maraqlı hesab etmədiyini dəfələrlə açıqlayıb.