Macarıstan ABŞ və Rusiya arasında strateji sabitlik müzakirələrinə ümid edir- ÖZƏL

Olaylar.az xəbər verir ki, Macarıstanın xarici işlər və xarici iqtisadi əlaqələr naziri Peter Siyarto, ABŞ-nin yeni seçilmiş prezidenti Donald Trampın administrasiyası ilə Rusiya arasında strateji sabitlik mövzusunda müzakirələrin baş tutacağına ümid etdiklərini bildirib.

Siyarto, dünyanın bir neçə ölkəsinin, o cümlədən ABŞ və Rusiyanın, qlobal təhlükəsizliyi sarsıdacaq potensiala malik olduğunu vurğulayıb və bu potensialın heç vaxt istifadə edilməməsini ümid etdiklərini qeyd edib. O, Rusiya tərəfindən sınaqdan keçirilən "Oreshnik" raketini də xatırladaraq, yeni ABŞ administrasiyasının Moskva ilə silah yarışını məhdudlaşdıracaq beynəlxalq prosedurlara qayıdış üçün daha fəal əməkdaşlıq edəcəyinə ümid bəslədiklərini bildirib.

Siyarto, Ukraynada sülhün bərqərar olmasından sonra ABŞ və Rusiya arasında uzunmüddətli qlobal təhlükəsizlik mövzusunda danışıqların baş tuta biləcəyinə ümid etdiklərini ifadə edib.

Macarıstanın baş naziri Viktor Orbanın Donald Trampdan dəvət almadığını qeyd edən Siyarto, hazırkı prezident Cozef Baydenin administrasiyasının Macarıstanla yüksək səviyyəli görüşlərə maraq göstərmədiyini də vurğulayıb. Bununla yanaşı, Siyarto Trampın Ukrayna münaqişəsini həll etmək üçün vasitəçilərə ehtiyac duymadığını bildirib.