Rutte Zelenskini Şoltsa qarşı tənqidləri dayandırmağa çağırdı– ÖZƏL

Olaylar.az xəbər verir ki, NATO-nun baş katibi Mark Rutte Ukrayna prezidenti Vladimir Zelenskini Almaniya kansleri Olaf Şoltsa qarşı açıq tənqidləri dayandırmağa dəfələrlə çağırıb. Bu barədə DPA agentliyi məlumat yayıb.

"Şoltsa qarşı tənqidləri dayandırması üçün Zelenskiyə dəfələrlə müraciət etmişəm, çünki bu tənqidləri ədalətsiz hesab edirəm," - deyə Rutte bildirib.

Baş katib həmçinin qeyd edib ki, Almaniya kanslerindən fərqli olaraq, o, Taurus qanadlı raketlərinin Ukraynaya təhvil verilməsi qərarını dəstəkləyərdi və onların istifadəsi ilə bağlı məhdudiyyətlər tətbiq etməzdi.

Xatırladaq ki, daha əvvəl Olaf Şolts Almaniya əsgərlərinin və Taurus raketlərinin Ukraynaya göndərilməsinə qarşı olduğunu bildirmişdi. O, bu qərarı Almaniyanın təhlükəsizliyini təhlükə altına qoymamaq istəyi ilə əsaslandırmışdı.