Almaniyada yaralananların sayı 205-ə qalxdı

Almaniyanın Maqdeburq şəhərində Milad bazarına gələnləri avtomobilin vurması nəticəsində ölənlərin sayı 4-ə çatıb.

Olaylar xəbər verir ki, bu barədə Almaniya mediası məlumat yayıb.

Bildirilib ki, ümumilikdə 205 nəfər yaralanıb.

Qeyd edək ki, ötən gün axşam Maqdeburqda Milad bazarında avtomobil izdihamın üzərinə sürülüb. Hüquq-mühafizə orqanlarının əməkdaşlarının sözlərinə görə, hadisəni Səudiyyə Ərəbistanından olan 50 yaşlı kişi törədib, o, tək hərəkət edib. O, 2006-cı ildən Almaniyadadır və yaşayış icazəsi var.

Bundan əvvəl iki avtomobilin insanlar üzərinə sürüldüyü, ölənlərin isə 11 nəfər olduğu bildirilmişdi.