Kiyev Minskin təşəbbüsünü rədd edir - ÖZƏL

Olaylar.az Ukrayna Xarici İşlər Nazirliyi Minskin Belarusun Ukrayna münaqişəsinin həlli üzrə gələcək danışıqlarda iştirakına dair təşəbbüsünü rədd edib.

Telegram-da verdiyi açıqlamada Ukrayna Xarici İşlər Nazirliyi Minskin ideyasına "təəccübləndiyini" bildirib.

Belarus xarici işlər nazirinin müavini Yuri Ambrazeviç bildirib ki, Minsk Ukrayna üzrə gələcək sülh danışıqlarında iştirak etməyə həvəslidir və yekun razılaşmalarda Belarusun maraqları nəzərə alınmalıdır. O, Belarusun əvvəldən Ukraynada zorakılığın artmasının qarşısını almaq üçün addımlar atdığını və Minskin təhlükəsizlik zəmanəti almasının vacib olduğunu qeyd edib. Ambrazeviç vurğulayıb ki, "Belarus hamıdan çox münaqişənin sülh yolu ilə tezliklə həllində maraqlıdır".

Moskva dəfələrlə vurğulayıb ki, Rusiya Ukrayna ətrafındakı münaqişəni siyasi və diplomatik yollarla həll etməkdən imtina etmir. Rusiya prezidenti Vladimir Putin bir müddət əvvəl Ukraynadakı vəziyyətin həlli üçün şərtləri, o cümlədən Ukraynanın Donbass və Novorossiyadan qoşunlarını çıxarması və NATO-ya daxil olmaq planlarından imtina etməsi ilə bağlı şərtlər irəli sürüb. Moskva həmçinin hesab edir ki, Qərbin Rusiyaya qarşı bütün sanksiyaları aradan qaldırılmalı və Ukraynanın bloka daxil olmayan və nüvəsiz statusu təmin edilməlidir. Lakin Kiyev bu şərtləri rədd edir.