Rusiyalı diplomat Moldovadakı seçkiləri ən qeyri-demokratik seçki kimi qiymətləndirib - ÖZƏL

Olaylar.az   xəbər verir ki, Rusiya Xarici İşlər Nazirliyinin sözçüsü Mariya Zaxarova   Moldovada keçirilən prezident seçkilərini müstəqil Moldovanın bütün tarixində ən qeyri-demokratik seçki kimi qiymətləndirib.

"Noyabrın 3-də Moldovada prezident seçkilərinin ikinci turu keçirilib. Moldova Mərkəzi Seçki Komissiyasının ilkin məlumatlarına görə, hazırkı dövlət başçısı M. Sandu 55,33% səslə seçkilərdə qalib gəlib", - o, şərhində bildirib. 

"Bu, Moldovanın müstəqillik illərində ən qeyri-demokratik seçki kampaniyası olduğunu söyləsək, mübaliğə olmaz. O, müxalifətə və müstəqil mediaya, ilk növbədə, rusdilli KİV-lərə, Qərbin dövlət orqanlarına qarşı misli görünməmiş repressiyalarla yadda qaldı".