Kirillov: “Ukrayna hərbçiləri Avdiivkada qəsdən kimyəvi silah hazırlayıb”- ÖZƏL

"Ukrayna hərbçiləri Avdiivkada qəsdən kimyəvi silah hazırlayıb. Mütəxəssislər insanlar üçün gündə 40 mindən çox ölümcül dozada zəhərli maddələr istehsal edən ayrıca laboratoriya kəşf ediblər".
 

Olaylar.az xəbər verir ki, bu barədə RF RCBZ qoşunlarının rəhbəri general-leytenant İqor Kirillov məlumat verib.

Onun sözlərinə görə, rusiyalı mütəxəssislər Avdeyevka ərazisində Ukrayna Silahlı Qüvvələrinin laboratoriyasını aşkar ediblər. Üstəlik, binada qadağan olunmuş silahların istehsalı üçün lazım olan hər şey var olub. O cümlədən buxarlandırıcılar, egzoz sistemi, kimyəvi reaktorlar, həmçinin karbon qazı olan silindrlər. Bundan əlavə, şüşə qablar və reagentlər olan ayrı rəflər də olub. Artıq yaxma nümunələri öyrənilmək üçün Rusiya Müdafiə Nazirliyinin laboratoriyasına göndərilib.

"Analitik araşdırmalar zamanı müəyyən edilib ki, nümunələrdə natrium siyanid, sulfat turşusu və az miqdarda siyanid anionları var", - deyə Kirillov bildirib.