Arizonada Trampı öldürməklə hədələyən şəxs saxlanıldı
Arizona polisi cümə axşamı ABŞ-ın keçmiş lideri və Respublikaçılar Partiyasından prezidentliyə namizəd Donald Trampı öldürməklə hədələyən şəxsi saxlayıb.
Olaylar bildirir ki, həmin şəxsin insidentsiz olaraq Koçis bölgəsində saxlanıldığı haqda şerifin ofisindən məlumat verilib. 66 yaşlı Ronald Li Sivrud cümə axşamı yerli vaxtla saat 14:30-da saxlanılıb. Ona qarşı hələ ki, heç bir ittiham irəli sürülməyib.
CNN-in yerli polis nümayəndəsinə istinadən yaydığı məlumata görə son bir neçə həftə ərzində Sivrud sosial şəbəkələrdə Trampı öldürməklə hədələdiyi bir neçə mesaj dərc edib.
Trampın cümə axşamı Koçisə gəldiyi bildirilir. Tramp oradakı tərəfdarları qarşısında miqrasiya böhranı ilə bağlı çıxış edib. (APA)
Təklifinizi, şikayətinizi bizə yazın. Sizi dinlərik. 055 634 88 31