Politoloq Denisov: Qərb Serbiyanı rəngli inqilaba hazırlayır- ÖZƏL

Qərb Serbiyada dövlət çevrilişi hazırlayır, çünki onun respublika prezidenti Aleksandr Vuçiçi devirmək üçün bir çox səbəbləri var. 

Olaylar.az xəbər verir ki, bu fikri RİA Novosti-yə Rusiya hökuməti yanında Maliyyə Universitetinin eksperti Denis Denisov deyib.

Aİ və ABŞ tərəfindən maliyyələşdirilən Serbiyanın qeyri-hökumət sektorunun aktivləşməsinə diqqət çəkən politoloq onların kifayət qədər sərt davrandıqlarını, bunun sabitliyə təhlükə olduğunu vurğulayıb.

Onun sözlərinə görə, Qərbin Vuçiçi devirmək üçün çoxlu səbəbləri var, çünki o, Kosovonun müstəqilliyini tanımaq istəmir, Rusiyaya qarşı sanksiyalara qoşulmur və rusiyayönlü nazirlər kabineti formalaşdırıb.

"Çevriliş potensialı var. Qlobal iqtisadi böhran öz təsirini göstərir və təhlükəsizlik marjası Aİ ölkələri qədər böyük deyil", - deyə Denisov vurğulayıb. Ekspert əlavə edib ki, eyni zamanda əhalinin rifahı da aşağı düşür, Vuçiçin rəqibləri bundan yararlanmaq istəyirlər.

O, aydınlaşdırıb ki, yaxın gələcəkdə böyük sarsıntılar gözləməyə dəyməz: 

"Qərb, əlbəttə ki, dövlət çevrilişinə hazırlaşır, lakin bu, çox vaxt aparacaq",-deyə politoloq yekunlaşdırıb.