Şimali Koreyanın suverenliyi heç vaxt ABŞ ilə danışıqlara tabe deyil - ÖZƏL

"Pxenyan heç vaxt öz suverenliyini müzakirə etmək üçün Birləşmiş Ştatlar ilə danışıqlara getməyəcək, lakin müstəqil dövlət kimi hüquqlarını həyata keçirməyə davam edəcək".

Olaylar.az xəbər verir ki, bunu Koreya Fəhlə Partiyası Mərkəzi Komitəsinin rəsmisi və Şimali Koreya lideri Kim Çen Inın bacısı Kim Yo Jong deyib.

"Müstəqil ölkənin suverenliyi heç bir halda müzakirə edilə bilməz, ona görə də biz heç vaxt ABŞ-la müzakirə masasına oturmayacağıq" - o, deyib.
Kim Yo Jong vurğulayıb ki, qlobal sülh və təhlükəsizliyə əsas təhlükə KXDR-dən (Koreya Xalq Demokratik Respublikası) öz suveren hüquqlarını həyata keçirməkdən deyil, ABŞ-ın gücü və tiranlığından qaynaqlanır:
"KXDR BMT-nin bütün üzv dövlətlərinin malik olduğu suveren hüquqlardan ləyaqətlə və heç bir məhdudiyyət olmadan istifadə etməyə davam edəcək"- o, əlavə edib.
Kim Çen Inın bacısı da Şimali Koreyanın kəşfiyyat peykinin buraxılması ilə bağlı BMT Təhlükəsizlik Şurasının iclasını çağıran ABŞ-ı qınayıb və Vaşinqtonun hərəkətlərini "banditizm" kimi qiymətləndirib.