100 il əvvəl sovet səhiyyəsi hansı uğurları ilə öyünə bilərdi? - ÖZƏL

1923-cü ilin iyulunda SSRİ Xalq Səhiyyə Komissarlığının beş illiyini sovet təbabətinin beşinci ildönümü kimi qeyd olundu.

Olaylar.az xəbər verir ki, bu müddət ərzində əldə olunan nailiyyətlər bunlardır:

Tif xəstəliyə ilə mübarizə 

1920-ci ildə 3.354.656 tif xəstəliyinə yoluxma faktı qeydə alınıb. Xəstəliyə qalib gəlmək üçün Xalq Səhiyyə Komissarlığı tif xəstəliyinin epidemiologiyasının öyrənilməsini təşkil etdi və bakterioloqla epidemioloqların bir sıra ümumrusiya qurultaylarını keçirdi. Tif ilə bağlı təbliğat geniş yayılaraq, rabitə marşrutları boyunca müşahidə və təcrid məntəqələri yaradılmışdı. Nəticədə, 1921-ci ildə tif təxminən altı dəfə - 633,250 xəstəliyə qədər azaldı. 1922-ci ildəki aclıq tifin iki yarım dəfə artması ilə nəticələndi, lakin 1923-cü ilin əvvəlində zəifləmə artıq başlamışdı.

Vəba xəstəliyə ilə mübarizə 

1921-ci ildə 204.228 vəba xəstəsi var idi. Vəba ilə mübarizə ilk növbədə əhalinin özünü cəlb etməklə aparılırdı. Suyun xlorlaşdırılması və vəba peyvəndi geniş tətbiq olunurdu. Nəticədə, 1923-cü ilin ilk beş ayında yalnız ona yaxın xəstəlik hadisəsi qeydə alındı.

Malyariya  xəstəliyə ilə mübarizə

Xalq Səhiyyə Komissarlığı Moskvada mərkəzi malyariya komissiyasını, yerli səviyyədə isə yerli malyariya komissiyalarını təşkil etdi. Malyariya xəstələrinin qanını yoxlamaq üçün 50-yə yaxın malyariya stansiyası yaradılıb. Böyük miqdarda xinin alınıb.

Cinsi yolla keçən xəstəliklərlə mübarizə  

1919-cu ilin əvvəlində əhalinin hər iyirmi yeddi mininə bir zöhrəvi xəstəlik çarpayısı və hər yüz iyirmi üç mininə bir xüsusi ambulatoriya düşürdü. 1921-ci ilin ikinci yarısında artıq əhalinin hər doqquz min altı yüz nəfərinə bir zöhrəvi xəstəlik çarpayısı və qırx dörd mininə xüsusi ambulatoriya fəaliyyət göstərirdi.Xalq Səhiyyə Komissarlığının venerologiya şöbəsi 5,4 milyon broşür, 40 min plakat, 20 min proqram və 80 rəngli slayd nəşr etdirmişdir. Mühazirə və müzakirələrlə yanaşı, sanitar məhkəmələr yerlərdə uğurla həyata keçirilir.