BEA rəhbəri Avropada qaz istehlakının azalacağını proqnozlaşdırır - ÖZƏL

Xəbərlərimizi "WhatsApp" kanalımızdan oxuyun 

Hidrogen istehlakının artması fonunda Avropada təbii qaza tələbat azalacaq.

Olaylar.az xəbər verir ki, bu barədə İspaniyanın "La Repubblica" nəşri Beynəlxalq Enerji Agentliyinin rəhbəri Fatih Birola istinadən məlumat yayıb.

Birol qeyd edib ki, 2025-ci ildən sonra dünyada qaz tədarükü kəskin şəkildə artacaq, Avropada isə hidrogenə tələbat artacaq. Ona görə də indi yeni qaz infrastrukturunun tikintisinə diqqətlə yanaşmaq lazımdır.

BEA rəhbəri Yaxın Şərqdə münaqişənin genişlənəcəyi təqdirdə neftin qiymətinin kəskin bahalaşması riski barədə də xəbərdarlıq edib. Onun sözlərinə görə, dünya neftinin üçdə biri oradan gəlir və tədarükün kəsilməsi Avropaya ağır zərbə vuracaq.

Birol elektriklə işləyən avtomobillərə keçid və Çin iqtisadiyyatının yavaşlaması səbəbindən neft istehlakının 2030-cu ildən sonra pik həddə çatacağına inanır. BEA rəhbəri enerji şirkətlərini "yaşıl" enerji mənbələrinə daha fəal keçməyə çağırıb.

O, həmçinin noyabrda Dubayda keçiriləcək BMT-nin iqlim konfransının uğurlu olacağına ümid etdiyini bildirib. Birolun sözlərinə görə, dünya CO2 emissiyalarını azaltmaq və temperaturun 1,5 dərəcədən çox artmasının qarşısını almaq üçün bütün səyləri göstərməlidir.

Bundan əvvəl BEA neftin qiymətinin 100 dolları keçə biləcəyini bildirmişdi.

Əvvəllər BEA qlobal neft qıtlığını proqnozlaşdırırdı.