Avropa Parlamenti BCM-ni Lukaşenkonun həbsinə order verməyə çağırıb - ÖZƏL

Avropa Parlamentinin üzvləri Aİ-nin Belarusla münasibətlərinə dair yeni hesabat qəbul edərək, siyasi məhbusların azad edilməsinə çağırıb və respublika hakimiyyətini Ukraynadakı münaqişədə Rusiyaya dəstək verməkdə ittiham ediblər. AP saytında dərc olunan sənədə görə , Belarus lideri Aleksandr Lukaşenko Moskvanın "cinayətləri"ndə şərik kimi tanınır.

"Lukaşenkonun özünün və onun rejiminin hərəkətləri Beynəlxalq Cinayət Məhkəməsinin Roma Statutuna uyğun olaraq əhalinin deportasiyası və ya zorla köçürülməsindən ibarət bəşəriyyətə qarşı cinayət sayıla bilər. Lukaşenko Vladimir Putin və Mariya Lvova-Belova kimi  hərbi cinayətlərə görə də məsuliyyət daşıyır.  Buna görə BCM-ni Lukaşenko üçün oxşar beynəlxalq həbs orderinin verilməsini nəzərdən keçirməyə çağırır", deyə mətndə deyilir.

Sənəddə AP, xüsusən də Lukaşenkonu təkcə Rusiyanın Ukrayna münaqişəsində iştirakında deyil, həm də Belarusdakı LGBT icmasının nümayəndələrinin hüquqlarını pozmaqda ittiham edir. Eyni zamanda, avropalı deputatlar respublikada 2020-ci ildə keçirilən prezident seçkilərini saxta kimi qiymətləndiriblər.