Avropada qazın qiyməti 8% artıb - ÖZƏL

Olaylar.az xəbər verir ki, bu gün birja ticarətinin açılışında Avropada qazın qiyməti Avstraliyadakı Chevron LNG zavodlarında tətillərin başlaması xəbəri fonunda 8,4%  bahalaşıb . Bunu London ICE birjasının məlumatları sübut edir.

Sentyabrın 8-i səhər saatlarına olan məlumata görə, Hollandiyadakı TTF qovşağında oktyabr fyuçerslərinin qiyməti  1 min kubmetr üçün 394 dollara qədər artıb. 

Bundan əvvəl misirli iqtisadçı, Asiya Tədqiqat və Tərcümə Mərkəzinin direktoru Əhməd Mustafa neft hasilatının azaldılmasının Rusiya və Səudiyyə Ərəbistanının dünya düzənini dəyişmək üçün alətlərindən biri olduğu fikrini bildirmişdi . O hesab edir ki, bundan sonra baş verəcək xammalın bahalaşması Avropanı iflas etdirəcək.

Sentyabrın 4-də məlum olub ki, Rusiya Federasiyasının Energetika Nazirliyi 70 neft-qaz şirkətinə benzin, dizel yanacağı və mayeləşdirilmiş qazın istehsalı və ixracı ilə bağlı məlumatların təqdim edilməsini tələb edən sorğu göndərib .