Almaniyanı qarışdıran cinsi istismar hesabatı: Yüzlərlə rahibin adı var- ÖZƏL

Olaylar.az xəbər verir ki, Almaniyanın Frayburq Baş yeparxiyası kilsələrdə cinsi zorakılıqlarla bağlı hesabatda 250-dən çox keşişin ehtimal edilən günahkarlar arasında olduğunu bildirdi. İstintaq Komissiyasının prezidenti Maqnus Strietin açıqladığı hesabata görə, 250-dən çox keşiş, həmçinin keçmiş arxiyepiskop Robert Zolliç 540-dan çox insanın cinsi zorakılıqla bağlı insidentlərində günahlandırılır. Hesabatda hadisənin qaranlıq hissəsində sözügedən rəqəmlərin daha da yüksək ola biləcəyinə də diqqət çəkilib. 600 səhifəlik hesabat 20-dən çox hadisəni araşdırır, kilsə rəhbərlərinin qurbanlar və onların ailələri ilə nə dərəcədə əlaqəli olduğuna baxır və hansı strukturların sui-istifadəni təşviq etdiyini təhlil edir. Hesabatda həmçinin mərhum arxiyepiskop Oskar Saier və hələ də sağ olan və eyni zamanda 2008-2014-cü illərdə Almaniya Yepiskoplar Konfransının prezidenti olan təqaüdçü arxiyepiskop Zolliçin cinsi istismarı ört-basdır etmələri ilə bağlı ciddi ittihamlar yer alır.