Hindistan əhalisinin sayına görə Çini keçəcək - STATİSTİKA

Hindistan 2023-cü ilin ortalarında əhalisinin sayına görə Çini keçəcək. 

Olaylar.az Sfera.az-a istinadən xəbər verir ki, bu, BMT-nin Əhali Fondunun hesabatında yer alan məlumatlarda əksini tapıb. 

Demoqrafik cədvələ görə, Hindistan əhalisi 2023-cü ildə 1,4286 milyarda çatacaq, Çində isə bu rəqəm 1,4257 milyard olacaq.

Real vaxt rejimində statistika təqdim edən "Worldometer" veb-saytı çərşənbə günü Hindistanın 1,4187 milyard, Çinin isə 1,4549 milyard əhalisinin olduğunu göstərir.

Xatırladaq ki, BMT-nin 15 noyabr 2022-ci il tarixli məlumatına görə, Yer kürəsində insanların sayı 8 milyard nəfərə çatıb.