45 Qərb bankı Rusiya törəmə şirkətlərini satmaqda çətinlik çəkir- ÖZƏL

Olaylar.az xəbər verir ki, Rusiya Federasiyasında törəmə şirkətləri olan Qərb bankı Rusiya aktivlərindən çıxmaq üçün məqbul şərtlər tapa bilməyib. Bu barədə  "The Financial Times" xəbər verib. Bu Vladimir Putinin qeyri-dost dövlətlərin firmalarına Rusiya hakimiyyətinin müvafiq icazəsi olmadan bu cür əməliyyatlara girişməyi qadağan edən fərmanının təsiri ilə bağlı olub. Sövdələşmələr üzərində işləyən məsləhətçilərin fikrincə, belə bir fərman qarşıdan gələn sövdələşmələrin bəzilərini poza, digərlərinin isə şərtlərini əsaslı şəkildə dəyişdirə bilər. Eyni zamanda, Kremlin bəzi hallarda Qərb şirkətləri tərəfindən Rusiya törəmə şirkətlərinin satışı ilə bağlı potensial müqavilələrin birbaşa iştirakçılarına təzyiq göstərmək üçün öz inzibati resurslarından istifadə etməsi vəziyyəti daha da gərginləşdirir. 

"Artıq razılaşdırılmış satış qiymətləri yarıya enəcək, çünki Kremlin sövdələşmələrə daha çox təsiri var. Kremllə sıx əlaqələri olan çox nüfuzlu ruslar var - onlar öz nüfuzlarından istifadə edərək bu təşkilatları qaçan əcnəbilərin əlindən almağa çalışırlar" deyə sövdələşmələr üzrə danışıqlarda həmsöhbətlərdən biri bildirib.