BMT-nin baş katibi Dünya İqtisadi Forumunda iştirak edəcək

BMT-nin baş katibi Antonio Quterreş yanvarın 18-də İsveçrənin Davos şəhərində keçiriləcək Dünya İqtisadi Forumunda çıxış edəcək.

Olaylar.az Trend-ə istinadən xəbər verir ki, bunu çərşənbə axşamı brifinq zamanı baş katibin rəsmi nümayəndəsi Stefan Cüjarrik deyib.

"BMT-nin baş katibi gələn həftə Davosda keçiriləcək Dünya İqtisadi Forumunda iştirak edəcək. Gələn çərşənbə günü (yanvarın 18-də - red.) o, xüsusi müraciətlə çıxış edəcək. Forum çərçivəsində baş katib dünya liderləri və digər nümayəndələrlə bir sıra görüşlər keçirəcək", - deyə S.Cüjarrik bildirib.

Qeyd edək ki, Davos forumu yanvarın 16-dan 20-dək keçiriləcək.