NATO və ABŞ Ukraynaya görə hərbi ehtiyatlarını tükəndirib?- ÖZƏL

Olaylar.az xəbər verir ki, NATO-nun baş katibi Yens Stoltenberq ABŞ və Şimali Atlantika Alyansının Ukraynaya yardım göstərərkən hərbi ehtiyatlarını tükətdiyini bildirib. O, bu barədə blok və Aİ arasında əməkdaşlıq haqqında bəyannamənin imzalanmasından sonra keçirilən mətbuat konfransında bildirib. "NATO müttəfiqləri və Aİ üzvləri Ukraynaya yardım göstərməklə təchizatını tükəndiriblər. Amma bu, düzgün qərar idi", - deyə o bildirib. Stoltenberq vurğulayıb ki, söhbət alyans ölkələrinin təhlükəsizliyindən gedir, ona görə də Kiyevə yardım göstərmək üçün "öz imkanlarınıza, təchizatlarınıza və sursatlarınıza müraciət etməlisiniz". 

Alyansın baş katibi həmçinin vurğulayıb ki, Avropa İttifaqı və NATO Ukraynaya yardımı artırmalıdır.