Yeni Bayraktar Türkiyədə sınaqdan keçirilib- ÖZƏL
Olaylar.az xəbər verir ki, Türkiyə yeni şaquli qalxıb enən pilotsuz uçuş aparatını (PUA) sınaqdan keçirib. Bu barədə "Anadolu" agentliyi məlumat yayıb. Qeyd edilir ki, pilotsuz təyyarələr daha əvvəl Bayraktar pilotsuz uçan aparatlarını buraxan Baykar tərəfindən yaradılıb. Agentliyin məlumatına görə, yeni PUA müvəffəqiyyətlə 8000 fut (24,3 m) işləmə hündürlüyünə nail olub. Hələ 2023-cü ildə Türkiyə Silahlı Qüvvələri tərəfindən qəbul edilməsi planlaşdırılan pilotsuz uçan aparat avtonom və yarı avtonom rejimdə uçmaq, eləcə də avtonom havaya qalxıb enmə qabiliyyətinə malikdir.
Yeni PUA Türkiyə Hərbi Dəniz Qüvvələrinin flaqmanı olan TCG Anadolu desant gəmisində yerləşəcək. Dron həmçinin monitorinq və kəşfiyyat məlumatlarının toplanması tapşırıqlarını yerinə yetirmək qabiliyyətinə malikdir. Baykarın rəhbəri Səlcuq Bayraktar daha əvvəl demişdi ki, Türkiyə lazım gələrsə, öz təhlükəsizliyini təmin etmək üçün indiki sahiblərinə qarşı Bayraktar hücum dronları göndərə bilər.