Rusiya və Çin arasında 2027-ci ilə qədər əməkdaşlığın inkişafı proqramı imzalanıb - ÖZƏL

Olaylar.az xəbər verir ki, Roskosmos və Çin Milli Kosmik İdarəsi 2023-2027-ci illər üçün kosmik sənayedə əməkdaşlığın inkişafı proqramı imzalayıb. Bu barədə "Roskosmos"un mətbuat xidməti məlumat yayıb .

"Noyabrın 25-də Roskosmos ilə Çin Milli Kosmik Administrasiyası arasında 2023-2027-ci illər üçün kosmik fəaliyyət sahəsində əməkdaşlığın inkişafı proqramı imzalanıb", - deyə mətbuat xidmətindən bildirilib.

Korporasiya onu da aydınlaşdırıb ki, həmin gün hər iki dövlətin hökumətləri Beynəlxalq Elmi Ay Stansiyasının yaradılması haqqında saziş imzalayıblar. Qeyd edilir ki, o, "Yerin təbii peykinin öyrənilməsində ciddi addım"a çevrilməlidir.

Bundan əvvəl "Roskosmos " Rusiya hökumətinə Beynəlxalq Kosmik Stansiyanın (BKS) Rusiya seqmentinin fəaliyyətinin ən azı 2028-ci ilə qədər uzadılması təklifi  göndərib . Korporasiya nümayəndəsi həmçinin etiraf edib ki, avropalı astronavtlar yenidən Rusiyanın Soyuz kosmik gəmisi ilə BKS-ə uçmağa başlaya bilər, lakin yekun qərar  NASA -da qalacaq .