Qazaxıstan Rusiyaya yardımdan imtina edib- ÖZƏL

Olaylar.az xəbər verir ki, Qazaxıstan Qərb ölkələrinin ardınca Rusiyaya qarşı sanksiyalar tətbiq etməyəcək, lakin o, Moskvaya məhdudlaşdırıcı tədbirlərdən yan keçməyə kömək etmək niyyətində deyil. Bu barədə Qazaxıstan Baş nazirinin müavini, Xarici İşlər Nazirliyinin rəhbəri Muxta Tluberdi bildirib. Nazir qeyd edib ki, Qazaxıstanla Rusiya arasında sıx münasibətlər var və sanksiyaların tətbiqi Qazaxıstan vətəndaşlarının da rifahına xələl gətirəcək. Eyni zamanda, Astananın üçüncü ölkələrin məhdudlaşdırıcı tədbirlərini pozmaqdan imtina etməsi ölkənin iqtisadi siyasətinin prinsiplərindən biridir. 

Daha əvvəl Tluberdi bildirib ki, respublika hökuməti həm Rusiya Federasiyası, həm də Ukrayna ilə dostluq münasibətləri saxlayır, mütəmadi olaraq tərəfləri münaqişəni diplomatiya yolu ilə həll etməyə çağırır.