Fransanın xarici işlər naziri Kolonna çinli həmkarı ilə görüşüb - ÖZƏL

Fransanın xarici işlər naziri Ketrin Kolonna Çindən Rusiyanı müharibədən çəkindirməkdə rol oynamasını istəyib.

Fransa Xarici İşlər Nazirliyindən verilən açıqlamaya görə, Kolonna və Çinin xarici işlər naziri Vanq Yi video konfrans vasitəsilə görüşüb.

Olaylar.az bildirir ki, görüş zamanı Kolonna və Vanq iki ölkənin qlobal strateji tərəfdaşlığının inkişaf perspektivlərini müzakirə edərək, Birləşmiş Millətlər Təşkilatının Nizamnaməsinə hörmətlə bağlı öhdəliklərini ifadə ediblər.

Görüş zamanı Kolonna Çinin Rusiyanı müharibədən çəkindirməkdə rol oynaya biləcəyini vurğulayıb.

İki nazir Fransa və Çin arasında, xüsusən də mədəniyyət, akademik və turizm sahələrində insan hərəkətliliyinin bərpasına çağırıblar.

Bəyanatda Colonna çinli həmkarından daha çox iqtisadi və ticarət qarşılıqlılığı üçün Avro-Çin münasibətlərini yenidən balanslaşdırmağa davam etməsini istəyib və Çindən bazarını avropalı investorlara daha çox açmasını istəyib.

Kolonna Çini Birləşmiş Millətlər Təşkilatının Biomüxtəliflik Konfransına (COP15) sədrliyi və COP15 çərçivəsində 2030-cu ilə qədər dünyanın quru, su və dəniz ərazilərinin 30 faizinin qorunmasına dair əldə edilmiş razılaşmaya görə təbrik edib.