TÜKÜRPƏDƏN HADİSƏ: ev yandı, bir ailənin 7 uşağı həlak oldu

Kanadanın Halifaks şəhərində dəhşətli faciə baş verib.

"RİA Novosti"  xəbər verir ki, yanğın nəticəsində 7 uşaq həlak olub. Faktı şəhər polisi təsdiqləyib. Yanğın şəhərin cənubunda yerləşən ikimərtəbəli evdə baş verib.

Polisin verdiyi məlumata əsasən, ölənlər bir ailənin uşaqlarıdır. Qeyd olunur ki, hadisə nəticəsində bir qadın və kişi yaralanıb, onlar xəstəxanaya yerləşdirilib. Faktla bağlı araşdırma aparılır.

CTV telekanalın məlumatına görə, söhbət suriyalı ailədən gedir.