Rusiyada ukraynalı dənizçilərə qarşı rəsmi ittiham irəli sürüldü

Rusiyanın Kerç boğazında saxladığı və haqlarında iki aylıq həbs qətimkan tədbiri seçilən 24 ukraynalı dənizçiyə qarşı rəsmi ittiham irəli sürülüb.

Bu barədə işin fiqurantlarından birinin vəkili məlumat verib. Onun sözlərinə görə, istintaq hələ noyabrın 27-dən bütün saxlanılanlara qarşı ittiham irəli sürmüşdü. 

Vəkil bildirib ki, həbsdən sonra o, müdafiə etdiyi şəxslə bir dəfə də olsun görüşə bilməyib. Həmin şəxslər Rusiya dövlət sərhədlərini qanunsuz olaraq keçməkdə ittiham olunublar. 

İrəli sürülən ittiham üzrə ukraynalı dənizçiləri altı ilə qədər həbs cəzası gözləyir.

"Qafqazinfo"